عبداللہ بن عمرو رضی الله عنہما سے روايت ہے کے :
رسول اللہ صلی اللہ علیہ وسلم نے فرمایا: ”دو عادتیں ایسی ہیں جنہیں جو بھی مسلمان پابندی اور پختگی سے اپنائے رہے گا وہ جنت میں جائے گا، دھیان سے سن لو، دونوں آسان ہیں مگر ان پر عمل کرنے والے تھوڑے ہیں، ہر نماز کے بعد دس بار اللہ کی تسبیح کرے (سبحان اللہ کہے) دس بار حمد بیان کرے (الحمدللہ کہے) اور دس بار اللہ کی بڑائی بیان کرے (اللہ اکبر کہے) ۔ عبداللہ بن عمرو رضی الله عنہما کہتے ہیں: میں نے رسول اللہ صلی اللہ علیہ وسلم کو انہیں اپنی انگلیوں پر شمار کرتے ہوئے دیکھا ہے، آپ نے فرمایا: ”یہ تو زبان سے گننے میں ڈیڑھ سو ہوئے لیکن یہ (دس گنا بڑھ کر) میزان میں ڈیڑھ ہزار ہو جائیں گے۔ (یہ ایک خصلت و عادت ہوئی) اور (دوسری خصلت و عادت یہ ہے کہ) جب تم بستر پر سونے جاؤ تو سو بار سبحان اللہ، اللہ اکبر اور الحمدللہ کہو، یہ زبان سے کہنے میں تو سو ہیں لیکن میزان میں ہزار ہیں، (اب بتاؤ) کون ہے تم میں جو دن و رات ڈھائی ہزار گناہ کرتا ہو؟ لوگوں نے کہا: ہم اسے ہمیشہ اور پابندی کے ساتھ کیوں نہیں کر سکیں گے؟ آپ نے فرمایا: ” (اس وجہ سے) کہ تم میں سے کوئی نماز پڑھ رہا ہوتا ہے، شیطان اس کے پاس آتا ہے اور اس سے کہتا ہے: فلاں بات کو یاد کرو، فلاں چیز کو سوچ لو، یہاں تک کہ وہ اس کی توجہ اصل کام سے ہٹا دیتا ہے، تاکہ وہ اسے نہ کر سکے، ایسے ہی آدمی اپنے بستر پر ہوتا ہے اور شیطان آ کر اسے (تھپکیاں دیدے کر) سلاتا رہتا ہے یہاں تک کہ وہ (بغیر تسبیحات پڑھے) سو جاتا ہے ۔
Roman Urdu
Hazrat Abdullah bin Amr raziyallahu anhuma se riwayat hai ke :
Rasulullah (ﷺ) ne farmaya: Do aadaten aisi hain jineh jo bhi musalmaan pabandi aur pukhtagi se apnaye rahe ga wo jañnat me jaye ga, dihaan se sunlo, dono aasaan hain magar inpar amal karne wale thode hain, har namaz ke baad das baar Allah ki tasbiih kare (سُـبْـحَـانَ ٱلله kahe) das baar hamd bayaan kare (ٱلْحَمْدُ لِلّٰهِ kehe) aur das baar Allah ki badayi bayaan kare (اللَّهُ أَكْبَرُ kahe) - Abdullah bin Amr raziyallahu anhuma kehte hain: maine Rasulullah (ﷺ) ko ineh apni ungliyon par shumaar karte hove deykha hai, Aap ne farmaya: ye to zabaan se ginne me dedh sau hove lekin ye (das guna badh kar) mezaan me dedh hazaar hojaye ge - (ye ek khaslat wa aadat hovi) aur (dosri khaslat wa aadat ye hai ke) jab tum bistar par sone jao to sau baar
سُـبْـحَـانَ ٱلله,اللَّهُ أَكْبَرُ,ٱلْحَمْدُ لِلّٰهِ
No comments:
Post a Comment